MBATHI 51 - 75

NŨŨ WAUMIE ĨŨLŨ? (Who came down from heaven?) 1. Nũũ waumie ĩũlũ? Nĩ Mwovosya waitũ; Nĩwatiie ũsumbĩ, Yesũ Mũtangĩĩi.   Chorus: Twineĩ, andũ ma Yesũ, Tũmũkathei ithyonthe; E na wendo mũnene, Yesũ Mũtangĩĩi.   2. Ũla Ngai watũthembee nĩ Mwovosya waitũ, Akw'ie nũndũ wakwa, Yesũ Mũtangĩĩi.   3. Twĩekewa wathe nũũ? Nĩ Mwovosya waitũ, Ũla wathembiwe nũũ? Yesũ Mũtangĩĩi.   4. Ũl' ũkoka kũkũ nthĩ nĩ Mwovosya waitũ, Atũvikye ĩtunĩ, Yesũ Mũtangĩĩi. (Amen)

NŨŨ WAUMIE ĨŨLŨ? (Who came down from heaven?) 1. Nũũ waumie ĩũlũ? Nĩ Mwovosya waitũ; Nĩwatiie ũsumbĩ, Yesũ Mũtangĩĩi.   Chorus: Twineĩ, andũ ma Yesũ, Tũmũkathei ithyonthe; E na wendo mũnene, Yesũ Mũtangĩĩi.   2. Ũla Ngai watũthembee nĩ Mwovosya waitũ, Akw'ie nũndũ wakwa, Yesũ Mũtangĩĩi.   3. Twĩekewa wathe nũũ? Nĩ Mwovosya waitũ, Ũla wathembiwe nũũ? Yesũ Mũtangĩĩi.   4. Ũl' ũkoka kũkũ nthĩ nĩ Mwovosya waitũ, Atũvikye ĩtunĩ, Yesũ Mũtangĩĩi. (Amen)

YESŨ OOKA E WE MWENE (When He cometh) 1. Yesũ ooka, e we mwene, Kũmombanya make, Andũ ala metĩkĩlaa Matwawe ĩũlũ.   Chorus Makatisa ta ndata Sya kũya ĩtunĩ; Makathea ta ĩa N'ũtheu wake.   2. Akavatha, akanyuva, Akesĩa make: Onthe ala mamwendeesyaa Mekalae kwake.   3. Etĩkĩli, etĩkĩli, Nĩmo endwa make; Akamwĩta kĩla mũndũ Na syĩtwa yake. (Amen)

YESŨ KLISTO, MŨTANGĨĨI (Face to face) 1. Yesũ Klĩsto, Mũtangĩĩi, Ũla watũkw'ĩĩe, Nĩ Mũsumbĩ na Mũnene, Kũvĩtũka onthe mbee.   Chorus: Ũthyũ wake tũkamwona, O twenene nesa vyũ, Yesũ, Mwĩaĩi waitũ, Ũla tũtamwona yu.   2. Maandĩko onthe ma tene Mamũkũsĩĩa mũno, Monanasya kũkw'a kwake Na kũthayũka ĩngĩ.   3. Yu tũtitonya kũmwona, E kwa ĩthe wake Ngai: Nũtũvoyeaa ĩtunĩ, Twĩkalae ũvoonĩ vyũ   4. Ĩndĩ akooka kũũ ĩngĩ Esĩe ala make, Na ũtanũ wa kũmwona Ũkeeth'wa mũnene mbee. (Amen)

YĨLA WĨŨKA MWĨAĨI YESŨ (When Jesus comes) 1. Yĩla wĩũka, mwĩaĩi yesũ Ose ala make kũũ Tũkeethĩwa tũmweteele ithyĩ, Natwĩyũmbanĩtye vyũ.   Chorus Tũkeethĩwa tũmweteele ithyĩ, Yĩla we wĩsyoka kũũ Na tũeketwe mavĩtyo onthe Nũndũ wa nthakame ya yesũ.   2. Nĩ mũmbi Ngai ũkasilĩla 'ndũ Ũla woombie nth'ĩno Na nĩwe mwene wa vinya w'onthe Nĩ Yeova ngai waitũ   3. Andũ athũku nĩmakombanwa Ala makethĩwa nthĩ N'ala makw'ĩte nĩmakasyũkw'a Masilĩlwe vamwe vau   4. Andũ ma satani makatwawa, Mwakinĩ mũthũku vyũ N'ala ma yesũ makeeth'wa nake, Musyĩ wake ĩũlũ.

NOKWĨTHĨWA MASANGYA (Christ returneth) 1. Nokwĩth'wa masangya, Yesũ akasyoka Kana katambanga, kana ĩ ya wĩoo, Kana kĩvindunĩ ky'ũtukũ o katĩ, Tũkakyona i kyeni kĩtheu   Chorus: Ame Yesũ, ũka yu Na kwĩsĩa maku: Tũkatana na ũtanu Tũtawĩsĩ oyu; Ĩĩ ũtanu mwingĩ.   2. Yĩla waĩ kũũ avũthiw'e nĩ andũ Alewa na ambwa ngelany'onĩ nthũku; Ũndũ ũsu wonthe Yesũ nĩwekie Atwovosye, andũ athe vyũ.   3. Na yu kwa ngai na nĩweteele kyathĩ Kya kũka esĩe ala mamwosete Akasyoka kũũ na ũtheu mũtisu Asumbĩke na vinya wonthe   4. Ũtanũ mũnene tũkeethĩwaa naw'o, Twakomana nake, Mũsumbĩ waitũ, Na, ĩĩ, mũno mbee, Tũalyũlwa tũtaakw'a Andũ onthe ma Yesũ Klĩsto.

NA ŨSU NĨWE WŨKĨTE (Lo, He comes with clouds descending) 1. Na ũsu nĩwe wũkĩte ũla watũkw'ĩĩe, Aingĩ ala atangĩĩe nĩmeũmũtanĩa, Aleluya-Aleluya Yesũ atũsyokea.   2. Ithyonthe nĩtũkamwona e kĩvĩlanĩ kyake, O na ala mamũtonyie makĩmwamba mũtĩnĩ; No kĩĩo, no kĩĩo, maimwona ũsumbĩnĩ.   3. Movano ma kĩkw'ũ kyake o nayu eo namo, Nao aĩkĩĩi make nĩmendeaw'a nĩmo; Nĩwosie, nĩwosie, kwitũ movano asu.   4. Wovosyo ũla waĩle yu nũkwonekana, Nao ala atheu make mekomana ĩtunĩ; Kũmũthaũwa, kũmũthaũwa nĩ mũthenya mũnene   5. Onthe nĩmeũkũthaitha kĩvĩlanĩ kya ũnene, Nũe Mwene vĩnya w'onthe osa wĩaĩi waku; Mwĩaĩi ũka, Mwĩaĩi ũka ĩthyĩ andũ maku. (Amen)

MAVINDA NĨMEŨVĨTA (When the king comes) 1. Mavĩnda nĩmeũvĩta mwaka wĩvĩta mwaka Na mĩthenya nĩyũkĩte kwĩtuka na kũikya; Andũ nĩmeũkũlany'a yu we wĩeteela kyaũ? Mwĩaĩi nĩwĩkalĩte we nũkoka kũũ ĩngĩ?   Chorus: Kũkatw'ĩka ata akyũka, Kũkatw'ĩka ata akyũka, Akyũka we Mũsumbĩ, Kũkatw'ĩka ata akyũka.   2. Akyũka we mwene ĩngĩ nĩ ũtanu wa nthĩ yonthe, Yesũ Klĩsto nĩ Mwĩaĩi wa syũmbe syonthe, Umai ala mũkomete seũvyai taa syenyu; Na ala mũte na mauta sila mũnene wĩvo.   3. Nĩ mũthenya wa wovosyo mathĩna nĩ mathelu, Na vatĩ na methoi ĩngĩ nĩ ũtanu mwĩanĩu; Mwinĩei nĩwũkĩte, asumbĩke Mwĩaĩi Yesũ Kũkethĩwa ata akyũka Mwĩaĩi Yesũ Mũtangĩĩi   4. Ana-Asa nĩmwĩyũmbany'e kũkilyĩ kũkya mĩtũkĩ, Mwĩaĩi e vakũvĩ oke, na nguthu ya alaĩka; Ithyĩ nĩtũkamũmanya, kĩla metho  nĩmakamwona; No kavinda kanini, oke Mwĩaĩi Mũsumbĩ. (Amen)

YĨLA SOO WA NGAI WĨVUVWA (When the trumpet of the Lord) 1. Yĩla soo wa Ngai wĩvuvwa, na ĩvĩnda yathela, Twoona kwakya kwa mũthenya ũkĩte Al'ovosye makyũmbana mũinganĩsyo wa kĩkw'ũ, Yesũ esĩa asu nĩvo ngethw'a nyie.   Chorus: Soo wavuvwa tũkawĩw'a, Yesũ ooka tũkĩthaũwa, Kũya ĩũlũ tũkyũmbanw'a Twĩ na Yesũ, nakwa nĩvo ngethw'a nyie.   2. Ala akw'ũ me anyũve makasyũkw'a kĩoko kyu N'aa twĩ vaa na thayũ tũkĩalyũlwa mĩĩ, Tũkĩkwatwa vamwe namo, tũkĩthaũwa nĩ Yesũ, Onthe makĩtalwa, nĩvo ngethwa nyie.   3. Twĩthing'ĩĩsyei kũthũkũma wĩa wa Mwĩaĩi Yesũ, Tũkyonany'a wendo wake na manee; Na twamina wĩa witũ na mathayũ kũkũ nthĩ, Tũkĩtuvwa ĩũlũ, nĩvo ngeth'wa nyie.   4. Twĩ wĩanĩ wake Yesũ, nĩ ũtanu mũnene, Kũtavany'a ndeto syake, nũseo. Na mũminũkĩlyo wa nthĩ  tũkaenda ĩtunĩ,  Vala ve Mwĩaĩi tũkathũmũe.   (Amen)

KYATHĨ KYA YESŨ KYA KŨSYOKA ĨNGĨ (His returning) 1. Kyathĩ kya Yesũ kya kũsyoka ĩngĩ, Atũtavisye ũũ akĩthi ĩtunĩ, Akamesĩa ala etĩkĩli, Ekalae namo ũsũvĩonĩ wake.   Chorus: Tũkathi na Yesũ, Tũkathi tũmũatĩe, Ĩtunĩ tũkathi na Yesũ, Twĩ nake Yesũ ndakatũtia.   2. Wendo wa Yesũ nĩ mũnene ta ũũ, Atwendie twĩ andũ athũku ta ũũ, Nĩwe mũseo kũvĩtũka onthe, Yesũ atatie ũndũ wa ũsengy'o.   3. Yĩla Yesũ wĩsyoka ĩngĩ kũũ nthĩ, Ala make akathi namo ĩtunĩ, Nĩwe Mũsũmbĩ wa Asumbĩ onthe, Tũkasumbĩka vamwe nake ĩtunĩ.   4. Etĩkĩli onthe ala maw'o, Makamwona Yesũ Mũtangĩĩi wamo Asu ala matendete naĩ, Ĩkĩsumbĩka nthĩnĩ wa mathayũ moo.   5. Ũkai andũ mwĩtĩkĩle Yesũ, Ũla watũkw'ĩĩe ngelany'onĩ, Kana mwose ũekeo wa naĩ, Nĩ kana tũkavika ĩtunĩ kwake.

NĨWOOKIE ŨTHEU (Never shone a light so fair) 1. Nĩwookie ũtheu, Kũvĩta motheu onthe, Na ũũ wathi wa ĩũlũ. Nũvĩtĩte mbathi syonthe, Nĩ ũvoo wa ũtisu.   Chorus: Nĩ mwĩao wa ũtheu, Amokie enyivya Nĩ Ngai vamwe Naitũ Imanueli.   2. Mwaka kũvĩta mwaka, Wathi ũũ nĩwinwe, Nũkwenda kũlilikana, Mũtumĩa na anae, Nĩ ũvoo mwĩanĩu. 3. Nĩ-tũũtana ũmũnthĩ, Twĩke ũũ ta kĩla mwaka, Ithyonthe twĩthing'ĩĩsye, Ta ũũ tũlilikana, Nĩ ũvoo wa ũtheu. (Amen)

MBEE WA ŨSĨ WA MATHĨNA (Beyond the sea) 1. Mbee wa ũsĩ wa mathĩna Nthĩ ĩsu ya ũsũvĩo; Yĩ mũĩthi myũnthĩ yonthe: Nyie ngathi kw'o ngasũvĩwe.   Chorus: Mũingo wa ũsĩ wa mathĩna Ngeew'a wasya wa Mwĩaĩi Yesũ, Na mathĩna nĩmakathela vyũ, Yĩla nĩmwona Mwĩaĩi Yesũ.   2. Kũu ĩtunĩ nĩ nthĩ nzeo, Kũikethĩwa mwene naĩ; Kana thĩna ona ũmwe, Vatiĩ ũla ũkathĩna.   3. Mwĩaĩi Yesũ nĩwambiwe, Ngelany'onĩ ate ũndũ; Etĩkisye nthakame vau Ngelany'onĩ nũndũ wakwa.   4. Navika nthĩ ya mũuo, Mwĩaĩi Yesũ akambosa; Kũu ĩtunĩ nĩngaina: Na alaĩka navika kw'o. (Amen)

MWĨAĨI OKĨTE NA MĨTŨKĨ (The Lord is coming) 1. Mwĩaĩi okĩte namĩtũkĩ yũmbany'e aky'ũka, Okĩte kuma musyĩ mutheu yũmbany'e aky'ũka Nowe Mwĩaĩi waitũ waw'o akamaathima ala anyuve, Kĩvĩlanĩ ky'ethe maumbũle yũmbany'e aky'ũka   Chorus: Nũyũmbanĩtye mũtwaani akyũka Nũyũmbanĩtye mũtwaani akyũka Nĩmũseũvĩtye mataa we nde yĩla ũtoka Nũyũmbanĩtye mũtwaani akyũka.   2. Omĩtũkĩ akasyoka nthĩ yũmbany'e akyũka, Lika ũsumbĩnĩ wake yũmbany'e akyũka, Kũu ĩtunĩ kũkainwa Yesũ aete ũtangĩĩo, Seũvyai mataa Mũsumbĩ nũsu yũmbany'e akyũka   3. Okĩte kwa ũmwe na kwa onthe yũmbany'e akyũka Okĩte na wasya wa soo yũmbany'e akyũka Ũsilĩlo nĩwiĩtwe kwokonĩ kwake kwĩ ũtonyi, Tukaũngama mbee wa kĩvĩla yũmbany'e akyũka. (Amen)

ATUMĨA NA IVETI ŨKAI TWINĨE MWĨAĨI (Men, women let us sing for the Lord) 1. Atumĩa na iveti , ũkai twinĩe Mwĩaĩi, Nĩw'o Mwĩaĩi ũnũkwenda, Nĩw'o Mwĩaĩi ũnũkwenda.   Chorus: Kũkeethĩwa ata akyũka? Akyũka Mwĩaĩi Mũsumbĩ, Kũkeethĩwa ata akyũka.   2. Anake na eĩtũ, ũkai twinĩe Mwĩaĩi, Nĩw'o Mwĩaĩi ũnũkwenda, Nĩw'o Mwĩaĩi ũnũkwenda.   3. Nĩtũsisyei, na ĩũlũ kũla Mwĩaĩi waendie, Nĩw'o Mwĩaĩi ũnũkwenda, Nĩw'o Mwĩaĩi ũnũkwenda.   4. Nĩtũlalyei metho maĩtũ, Tũtikone syĩndũ sya nthĩ, Nĩw'o Mwĩaĩi ũnũkwenda, Nĩw'o Mwĩaĩi ũnũkwenda.   5. Yesu e vakuvi kũka, aminũkĩlye kũketha, Nĩw'o Mwĩaĩi ũnũkwasya, Nĩw'o Mwĩaĩi ũnũkwasya.

ANDŨ MA YESŨ NĨ ATANU (Happy Christians) 1. Andũ ma Yesũ nĩ atanu. Nũndũ aisye akasyoka, Nĩtweteele yu kwĩw'a wasya, Mwĩaĩi Yesũ Mũtangĩĩi.   Chorus: Yesũ nĩwe Mũtangĩĩi, Nĩ Mũsumbĩ wa andũ, Wa asumbĩ onthe kũũ, Nowe Yesũ Mũtangĩĩi.   2. Mũndũ namanye ũtũo wake, Kana wĩ ĩtunĩ kwa Yesũ. Kana wĩ kũũ nthĩ kwa satani, ĩianĩ ya mwaki.   3. Kyathĩ kyake yu kĩ vakuvĩ, Yĩla wĩũka atwĩsĩe kũũ, Tũkamwonaa na metho maitũ, Yĩla wĩũka atwĩsĩe kũũ.   4. Wamwenda Yesũ ũka kwake, Nĩvo vena ũvonokyo, Ĩvinda yĩĩ yathela, Ũkanengwa ũsilĩlo. (Amen)

VE ŨSILĨLO WŨKĨTE (The judgement is soon coming) 1. Ve usilĩlo wũkĩte mwanaAsa, Mawonany'o nĩmeũtwony'a; Ĩvinda yĩ vakũvĩ Yesũ oke, Nthĩ yonthe yakane mwaki.   Chorus: Vakeethĩwa thĩna na kĩĩo kĩnene, Vakeethĩwa thĩna na kĩmeto kingĩ; Vakeethĩwa thĩna na kĩĩo kĩnene; Na vaikethwa ũekeo.   2. Ũlei nĩ mwingĩ mĩthenya ĩno, Na ũthengi na ũvutani; Ĩvinda yĩ vakuvĩ Yesũ oke, Nthĩ yonthe yakane mwaki.   3. Vatĩ mũuo nongi mĩthenya ĩno, Nthĩ yonthe yu yĩ mũisyonĩ. Ĩvinda yĩ vakuvĩ Yesũ oke, Na nthĩ yonthe yakane mwaki. (Amen)

KŨKEETHĨWA MŨNTHĨ MŨSEO (One happy day) 1. Kũkethĩwa mũnthĩ mũseo, Yesũ asyoka kũtwosa ithyĩ; Tũkathũmũe vandũ vaseo, Vate kĩkw'u kana mathĩna.   2. Matho measya Yesũ akooka, E na alaĩka soo ũvuvwe; Akw'ũ masyũka tũalyũlwe mĩĩ, Tũmũthaũwe yayayanĩ.   3. Twavika kwake tũkatana ngoo, Twose matuvi, twose ngovia; Na kũtĩnĩka tũkĩmũkatha, Vala kyeni kĩtaolekaa.   4. Ala tũmweteele Mũtangĩĩi, Tũmũthũkũme twĩatheu; Tũkĩmanya 'yu ooka, Tũkoolwa vyũ nĩ mathĩna. (Amen)